Sonatoon (цаашид «Сайт») -ийг ашигласнаар та доорх нөхцөлийг хүлээн зөвшөөрч байна. Зөвшөөрөхгүй бол Сайтыг ашиглахгүй байхыг хүсье.

1. Үйлчилгээ

Сайт нь манга, манхва, вэбтүний монгол орчуулгыг уншуулах платформ юм. Зарим бүлэг үнэгүй, зарим нь coin-оор нээгдэнэ. Бид үйлчилгээг урьдчилан мэдэгдэлгүйгээр өөрчлөх, түр зогсоох эрхтэй.

2. Бүртгэл

• Имэйл эсвэл Google, Discord, Apple бүртгэлээр нэвтэрнэ. Бүртгэлийнхээ аюулгүй байдлыг та өөрөө хариуцна.
• Нэг хүн олон бүртгэл үүсгэж coin, урамшуулал давхар авах, бусдын нэрээр бүртгүүлэхийг хориглоно.
• Дүрэм зөрчсөн бүртгэлийг бид түр хаах эсвэл устгах эрхтэй.

3. Coin

• Coin нь зөвхөн Сайт дотор бүлэг нээхэд ашиглагдах виртуал нэгж бөгөөд бодит мөнгө биш, бусдад шилжүүлэх, бэлэн мөнгөөр буцаан авах боломжгүй.
• Цэнэглэлт банкны шилжүүлгээр хийгдэж, админ баталсны дараа coin орно. Шилжүүлгийн утга буруу бол баталгаажилт удааширч болно.
• Нээсэн бүлэг тухайн бүртгэлд хугацаагүй үлдэнэ. Техникийн алдаанаас болж давхар хасагдсан coin-ыг шалгаад буцаан олгоно.
• Бүртгэл хаагдсан, устгагдсан тохиолдолд үлдэгдэл coin буцаагдахгүй.

4. Агуулга ба зохиогчийн эрх

• Сайт дээрх бүтээлийг орчуулагчид оруулдаг. Орчуулагч нь тухайн бүтээлийг орчуулж нийтлэх эрхтэй эсэхээ өөрөө хариуцна; эрхгүй бүтээл оруулахыг хориглоно.
• Та зохиогчийн эрх эзэмшигч бөгөөд бүтээлээ зөвшөөрөлгүй нийтэлсэн гэж үзвэл hello@sonatoon.mn хаягаар мэдэгдэнэ үү; бид шалгаад тухайн агуулгыг түдгэлзүүлнэ.
• Сайтын агуулгыг хуулж өөр газар нийтлэх, арилжааны зорилгоор ашиглахыг хориглоно.

5. Сэтгэгдэл, хэрэглэгчийн үйлдэл

• Доромжлол, ялгаварлан гадуурхалт, заналхийлэл, спам, хууль бус агуулга, бусдын хувийн мэдээллийг нийтлэхийг хориглоно.
• Спойлерийг тэмдэглэлгүй бичихээс зайлсхийнэ үү; бусад уншигчид мэдэгдэх боломжтой.
• Сайтын хэвийн ажиллагааг алдагдуулах, автомат хэрэгслээр агуулга татах, хамгаалалтыг тойрч гарахыг хориглоно.
• Модераторууд сэтгэгдлийг устгах, бүртгэлд хязгаарлалт тавих эрхтэй.

6. Хариуцлагын хязгаар

Сайт «байгаа чигээрээ» үйлчилнэ. Орчуулгын алдаа, техникийн тасалдал, гуравдагч этгээдийн агуулгаас үүдэх шууд бус хохирлыг бид хариуцахгүй. Хуулиар шаардсан тохиолдолд хариуцлага нь таны сүүлийн 3 сард төлсөн дүнгээр хязгаарлагдана.

7. Нөхцөлийн өөрчлөлт

Нөхцөл өөрчлөгдвөл энэ хуудсанд шинэчилсэн огноотой нийтэлнэ. Өөрчлөлтийн дараа Сайтыг үргэлжлүүлэн ашигласнаар шинэ нөхцөлийг зөвшөөрсөнд тооцно.

8. Хууль, холбоо барих

Энэ нөхцөлд Монгол Улсын хууль үйлчилнэ. Асуулт, гомдлыг hello@sonatoon.mn хаягаар илгээнэ үү. Хувийн мэдээллийн талаар Нууцлалын бодлого-г үзнэ үү.